elke maand

Wie een mooi gedicht heeft, kan deze naar Elly sturen, zodat meerdere leden hiervan mee kunnen genieten!

Op 't nachkasje

A'k naor bed toegao leg ik door
Op dat kasjen naos mien bed
Weer van alles kant en kloor
Zoda'k mien margen ok weer red

Zodoende dus belanden
In een beksken steradent
Door al mien hagelwitte tanden
Woo'k mien ooit met heb verwend

Het is da'k bes wel zonder wil
Maor 't mag niet anders waezen
Naost de tanden ligt een bril
Um margenvrog de krant te laezen

Wil ik alles goed verstaon
Dan he'k een döpken in mien oor
Ok dat he'k inmiddels uutgedaon
Leg 't weer veur margen kloor

Op mien kop, glad as een aal
Prijkt een geëigend toupetjen
Maor 's nachts lig ik helemaol kaal
Te snurken in mien warme bedjen

Tegen 't kasjen steet te wachten
Een stok um te steunen bi-j 't gaon
Ik kan niet meer op eigen krachten
Lang op mien benen blieven staon

Naost 't kasjen steet 't bed
Doorin ligt de bekaaide rest
Wa'k niet op 't kasjen heb gezet
Maor vuult zich door op zien best

Want helder nog van geest
Da's niet te vervangen
Altied al zo gewaes
En meer ma'j niet verlangen.

Slaper onbekend